Fabio Andina è naschì l’onn 1972 a Lugano. El ha studegià cinematografia a San Francisco e viva oz a Leontica en las Alps tessinaisas. Sia ovra La pozza del Felice (Rubbettino) è vegnida undrada cun il premi Terra Nova da la Fundaziun Schiller ed il premi Gambrinus. Entant che la translaziun tudestga, Tage mit Felice (Rotpunktverlag), ha muntà per el in success impurtant, ha la franzosa – Jours à Leontica (Zoé) – retschavì il Prix du public RTS.
Ils 5 da mars 1944 vegn Giuseppe Vaglio, il protagonist da l’ultim roman da Fabio Andina, arrestà ed empraschunà dals nazis ch’al accusan d’avair gidà partisans, deserturs ed Ebrers a mitschar en Svizra sur il flum Tresa. Sedesch mais pli tard turna el a chasa, nua ch’el ha laschà enavos sia giuvna dunna Concetta e ses uffants pitschens.
L’autur reconstruescha, grazia a regurdientschas transmessas, brevs famigliaras e retschertgas istoricas, las vitas da sia tatta e ses tat maternals, Giuseppe e Concetta, durant questa perioda da distanza sfurzada.
Cun in linguatg minimal ed introspectiv dat il raquint in sguard delicat e commovent sin il mintgadi ed ils patratgs da dus giuvens consorts ch’èn sfurzads da passentar questa lunga perioda da separaziun e da suffrientscha.
