Béla Rothenbühler è naschì il 1990 a Reussbühl (Lucerna) ed è in artist polivalent. El lavura sco dramaturg liber, autur dramatic, chantadur, ghostwriter, ghitarrist, fundraiser, commember da la cumissiun da cultura, songwriter, liricher e producent. Dapi l’onn 2016 fa el part da la gruppa collectiva da teater libra Fetter Vetter & Oma hommage.
Polifon Pervers
«Onsombel», «Gousträiter» e «Käschwoscher» – per quai vai en questa satira dialectala, ma er per blera «Öiforii». Linguisticamain ston ins l’emprim drizzar da nov las antennas, ma lura crodan ins en in flow da leger rasant: il roman è ordvart comic, profund e plain vieutas nunspetgadas. «Polifon pervers», uschia sa numna la gruppa da teater che fa ina carriera imprevisa sut la batgetta da Chantal e Sabine – enfin che tut schloppa.
I va per art e blagunzaria e co che l’in sa collia cun l’auter. Il roman impressiunescha tras sia dramaturgia perfetga. Igl è ina persiflascha dal manaschi da cultura e la meglra cumprova che «Onderhaltig» ed art fan rima en moda mirvegliusa.
Der gesunde Menschenversand, Luzern, 2024
