Silvia Ricci Lempen

RICCI
© BAK / Julien Chavaillaz

Silvia Ricci Lempen

Premis svizzers da litteratura 2021

Silvia Ricci Lempen è naschida l'onn 1951 a Roma. Suenter in studi da filosofia a las Universitads da Roma e da Genevra, ch'ella ha concludì cun il doctorat, è ella daventada schurnalista. Ella lavura sco chauredactura da Femmes Suisses e collavura per Le Temps e per La Gazette de Lausanne. Oz scriva ella cudeschs e s'engascha per ils interess da las dunnas. Silvia Ricci Lempen è l'autura d'in essai davart las schlattainas e da plirs romans premiads. Ella scriva tant en talian sco er en franzos.

I sogni di Anna/ RICCI
© BAK / Julien Chavaillaz

«I sogni di Anna»

Las istorgias da las tschintg protagonistas èn enserradas en in'architectura raffinada ed entretschadas ina cun l'autra en in temp regressiv: dal futur al cumenzament dal ventgavel tschientaner, tras divers lieus e scenaris europeics. Ils puncts da vista da las tschintg dunnas alterneschan, conciliant il siemi cun il realissem. Tals elements, ensemen cun la reflexiun davart la cundiziun da la dunna, rendan I sogni di Anna da Silvia Ricci Lempen in roman impurtant ed original ch'exprima bain la vitalitad d'ina litteratura lunsch ordaifer ils stereotips.

Vita Activa
ISBN 978-8-899951184