Dragica Rajčić Holzner

RAJCIC
© BAK / Julien Chavaillaz

Dragica Rajčić Holzner

Premis svizzers da litteratura 2021

Dragica Rajčić è naschida l'onn 1959 a Split. L'emprim scriva ella en croat, sia lingua materna. Suenter avair terminà il gimnasi sa domiciliescha ella en Svizra, l'onn 1978. Ella lavura sco gidantra da chasa e cumenza a scriver en tudestg. L'onn 1988 viva ella puspè en Croazia e lavura sco schurnalista. Suenter l'erupziun da la guerra da Jugoslavia turna ella però en Svizra, l'onn 1991. Oz viva Dragica Rajčić a Turitg ed a Puntina. Ella lavura en l'animaziun socioculturala e sco scriptura.

Glück/ RAJCIC
© BAK / Julien Chavaillaz

«Glück»

En Glück raquinta Dragica Rajčić Holzner d'in desideri d'appartegnientscha e da charezza, che na chatta tegn ni en la memoria ni en la decunfinaziun. L'autura mussa in mund plain impertinenza, che privescha sia protagonista da pli e pli pussaivladads da la vita – cun mintga pass ch'ella fa per s'allontanar da ses lieu d'origin.
L'autura fa quai èn ina lingua chapriziusa ed insistenta che surpassa sezza er cunfins e che avra – en la stretga dals curs da vita descrits – libertads nunspetgadas. 

Der gesunde Menschenversand
ISBN 978-3-03853-099-2