Premis svizzers da litteratura 2021
Corinne Desarzens è naschida l'onn 1952 a Sète en Frantscha. Ella ha studegià russ ed ha cumenzà sia carriera sco schurnalista tar la Tribune de Genève e per il Journal de Genève. A medem temp è ella stada zunt activa sco autura da romans ed ha scrit entaifer 30 onns circa 20 cudeschs. Ses roman il pli nov La lune bouge lentement mais elle traverse la ville è la sisavla ovra, per la quala ella survegn ina distincziun.
L'exploraziun dal mund cun la lieunga – quella che discurra e quella che sagia – è l'interpresa narra da Corinne Desarzens, nutrida da regurdientschas da viadi, d'inscunters improbabels, da sbozs malizius e d'ina erudiziun engurda.
Il cudesch d'ina ogra che magliucca, cun agid da sia plima e da ses penel, pleds rars en tehuelche, swahili, ladin u amen per exprimer tut l'essenza e per envidar las lecturas ed ils lecturs ad in past festiv baroc, dal qual mintga spaisa (27 en tut) porta cun sai ina surpraisa. In'ovra, nua che l'intimitad e l'immensitad sa cruschan allegramain.
Editions la Baconnière
ISBN 978-2-889600205
