Alexandre Lecoultre

LECOULTRE
© BAK / Julien Chavaillaz

Alexandre Lecoultre

Premis svizzers da litteratura 2021

Alexandre Lecoultre è naschì l'onn 1987 a Genevra. A l'Universitad da Friburg ha el terminà in studi d'antropologia sociala. El scriva texts en prosa ed en poesia, ch'el inscenescha en performances musicalas. A medem temp lavura Alexandre Lecoultre er sco translatur. El ha publitgà poesias da l'autura columbiana María Mercedes Carranza en l'ediziun da Le Courrier dals 19 da matg 2020. 

Peter und so weiter/LECOULTRE
© BAK / Julien Chavaillaz

«Peter und so weiter»

Co inventar ina lingua per Peter, ses girs en in dorf tranter see e fluss, sia sociabilitad, sia existenza a l'ur dal mund e tuttina en il center da questa «vaira vita», da la quala el è a la tschertga senza savair ch'el l'ha forsa gia chattada?

Alexandre Lecoultre na normalisescha betg ses persunagi cun al sfurzar si la rigiditad d'ina lingua da standard. El chatscha la lingua sur ses cunfins, l'alternescha cun il tudestg e cun il dialect, defurma allegramain sias normas e ses pleds, la renda uschè flexibla e modesta ch'ella laschia resortir poeticamain, en ina gronda litteratura, quest pitschen persunagi, Peter  – e per ch'ella sa laschia superar dad el: und so weiter

L’Âge d’Homme
ISBN 978-2-825148099