Leta Semadeni

Leta Semadeni
© Foto: Mario del Curto

Leta Semadeni

Premi svizzer da litteratura 2016

Leta Semadeni, naschida l‘onn 1944 a Scuol in Engiadina ed ha studegià linguas a l’Universitad da Turitg. Suenter esser stada magistra ha ella lavurà en l’America dal Sid, a Paris, Berlin e New York. Dapi il 2005 viva e lavura ella sco autura independenta a Lavin. Leta Semadeni scriva oravant tut lirica, en rumantsch u tudestg, ch’ella transpona mintgamai en l’autra lingua. Tamagur è ses emprim roman.

 

«Tamangur»

En 73 scenas raquinta Tamangur co ch’in uffant e sia tatta emprovan da s‘avischinar raquintond lur experientschas ed observaziuns en ina vischnanca grischuna. La mirveglia naìva da l’uffant e la subtilitad murdenta da la tatta fan oscillar las scenas tranter tristezza e beffa, tranter il mund real ed il mund fantastic. Tamangur è il lieu misterius nua ch’il tat è partì, il paradis dals chatschadurs, la sfera dal “sco sche”. Quest lieu da la memoria e da l’anticipaziun marca tut las scenas e nutrescha cun tensiun ina rait da pliras vettas.  L’autura grischuna bilingua procura cun Tamangur per in’impurtanta ovra prosaica da lingua tudestga.

Zürich, Rotpunkverlag
ISBN 978-3-85869-641-0

Premis
2011 Premi grischun da litteratura
2011 Premi Schiller per In mia vita da vuolp/In meinem Leben als Fuchs e per sia ovra lirica cumpletta
2016 Premi svizzer da litteratura