naschida l’onn 1939 a Genevra, nua ch’ella viva anc oz. Ina citad ch’ella ama, ch’ella traversa cun il velo, a pè, ch’è preschenta en tut ses cudeschs. Ella è l’autura d’ina ovra essenzialmain autobiografica. Durant divers onns ha ella collavurà sco criticra litterara punctualmain cun il Journal de Genève e cun il Radio Suisse romande. Ella ha scrit divers scenaris per la televisiun ed adattà romans per il kino («Polenta» da Jean-Marc Lovay per Maya Simon) e per il teater («Le Malheur indifférent»da Peter Handke).
Scuntrond la ligerezza quotidiana e la grevezza da regurdientschas traumatisantas, passond da cuntin e cun grond inschign d’in register a l’auter, ha quest cudesch da Catherine Safanoff l’eleganza d’in splerin che s’aventurescha en ils abiss da l’olma umana. Ina dunna veglia, depressiva, tschertga confiert tar in psicoanalist en il qual ella s’inamurescha tuttenina d’ina amur impussibla e striunada. In’ovra fictiva che s’inspirescha da l’autobiografia e demussa ina perspectiva fitg lucida sin il mund, ses virivaris, ses pitschens plaschairs, sias blessuras irreparablas, accumpagnada d’ina autoironia mintgatant divertaivla e mintgatant melancolica. L’equilibrista è sin la corda, avanza pass per pass en pitschens chapitels ed ans captivescha fin a la fin per ans laschar enavos cun in surrir duraivel: ella na croda betg e nus sgulain davent.
Genf, Editions Zoé, 2012
ISBN 978-2-88182-872-0
Lesung durch die Autorin
Catherine Safonoff liest einen kurzen Auszug aus ihrem prämierten Werk „Le mineur et le canari“.
Premis
1977 : Premi Georges Nicole per «La part d’Esmé», roman, Vevey, Editions Bertil Galland, 1977.
1984 : Premi Schiller per «Retour, Retour», roman, Genève, Editions Zoé, 1984.
1995 : Premi Pittard de l’Andelyn per «Comme avant Galilée», Genève, Editions Zoé, 1993.
2007 : Premi Michel Dentan per «Autour de ma mère», roman, Genève Editions Zoé, 2007.
2007 : Premi da litteratura da la citad da Genevra per sia ovra cumpletta.
2012 : Premi federal da litteratura per «Le mineur et le canari», Genève, Editions Zoé, 2012.
