Nadine Olonetzky è naschida il 1962 a Turitg, nua ch’ella viva oz. Ella scriva davart temas or dal mund da la fotografia, da l’art e da l’istorgia culturala ed è autura sco er editura da plirs cudeschs. Dal 1991 fin il 2012 ha ella lavurà tar la revista da cultura «Du». Plinavant ha ella scrit davart fotografia per il «Tages-Anzeiger» (1993–2005) e per la «NZZ am Sonntag» (2003–2019). Dapi il 2008 creescha ella monografias cun fotografas e fotografs sco er artistas ed artists per la chasa editura Scheidegger & Spiess.
En Wo geht das Licht hin, wenn der Tag vergangen ist reconstruescha Nadine Olonetzky l’istorgia da ses antenats gidieus. A basa da documents ed ils pèr raquints da ses bab orchestrescha ella in text che descriva lur marginalisaziun, mazzament e cumbat per reparaziun. En pli sa dumonda Olonetzky, co che l’experientscha dals antenats ans influenzeschan vinavant: «Nus descendents prendain curaschi e partin per ir la via enavos.» E nus lecturas e lecturs la suandain plain mirveglias, fascinaziun ed empatia.
