Premi svizzer da litteratura 2023
Prisca Agustoni è naschida l'onn 1975 a Lugano. Dapi il 2003 viva ella en Svizra ed en Brasilia, nua ch'ella instruescha litteratura cumparativa e taliana a l'Universitad da Juiz da Fora. Ella è autura, poetessa e translatura. Ella scriva per talian e translatescha ses agens texts en franzos ed en portugais.
Prisca Agustoni collia sias ragischs poeticas e persunalas en la Svizra taliana cun ina perspectiva ed in'experientscha internaziunala. En Verso la ruggine, sia collecziun da poesias la pli madira ed originala fin qua, sa fa questa qualitad valair. Il cudesch è in dals megliers exempels d'ecopoesia en lingua taliana. Agustoni elavura ils referiments a fatgs reals a maun d'ina intensiva retschertga expressiva. Las poesias d'Agustoni survegnan uschia resonanzas epicas e ritualas e fan la punt tranter ils archetips da la lingua poetica e las urgenzas dal preschent.
Interlinea, 2022
