Premis svizzers da litteratura 2020
Pascal Janoviak è naschì l'onn 1975 sco figl d'ina mamma franzosa e d'in bab slovac a Basilea. El ha studegià scienza da litteratura cumparativa ed istorgia d'art a Strasbourg e silsuenter ha el instruì franzos en Jordania ed en il Libanon. Da l'onn 2002 fin l'onn 2005 è el stà il directur da l'Alliance Française a Dhaka en il Bangladesch. Dapi l'onn 2011 viva e lavura el a Roma.
Il roman da Pascal Janovjak raquinta duas istorgias che van plaun a plaun ina en l'autra. L'emprima è collectiva. Quai è l'istorgia dal curtin zoologic da Roma che vegn annunziada en il titel e che s'extenda sur in entir tschientaner. Ella s'occupa da la tegnida d'animals en sias furmas las pli differentas. La segunda è privata. Quai è l'istorgia d'in inscunter curt, intensiv e melanconic da duas persunas inamuradas. La verva romanesca accumpogna la precisiun documentara. Quest inscunter sa splega senza fadia, grazia ad ina lingua eleganta ed ingeniusa e grazia a l'umor discret che euforisescha mintga pagina.
Éditions Actes Sud, Arles, 2019
ISBN 978-2-330-12082-5
