Zum Ende der Seite

Dumenic Andry

Andry Dumenic
Andry Dumenic
© Ladina Bischof

Dumenic Andry

Premis svizzers da litteratura 2018

Dumenic Andry, naschì l'onn 1960 a Turitg e creschì si a Ramosch, viva a Zuoz. El ha studegià romanistica a Turitg e scriva prosa e lirica sin vallader. L'onn 2009 è el vegnì undrà cun il Premi Schiller. El scriva regularmain contribuziuns per l'emissiun Impuls da Radiotelevisiun Svizra Rumantscha ed è dapi l'onn 2014 redactur da « der Annalas da la Societad Retorumantscha ».

 

«sablun»

Cun maun liger e gronda virtuositad maina Dumenic Andry ils lecturs tras ses univers poetic. „Sablun“ è ina collecziun da poesias che tutgan temas fundamentals sco l’identitad umana. Partind dad observaziuns apparentamain banalas, stgaffischa l’autur in spazi d’interpretaziun che renviescha a dumondas existenzialas. Il sablun sco material mudest e ambivalent traversa las poesias e sveglia associaziuns multifaras. Unicas en furma e tun, tradischan las poesias da Dumenic Andry er la lavur intensiva cun la lingua e la tradiziun litterara rumantscha.

Cuira, Chasa Editura Rumantscha, 2017
ISBN 978-3-03845-047-4

 

Tar il cumenzament da la pagina