Hartmut Fähndrich

Premi spezial da translaziun 2016

Hartmut Fähndrich, naschì l‘onn 1944 a Tubinga, ha instruì dal 1978 fin il 2014 arab ed istorgia d’art islamica a l’ETH a Turitg ed è stà docent ospitant en Germania, Frantscha ed Italia. Dal 1984 fin il 2010 ha el edì la retscha Arabische Literatur da la chasa editura Lenos.

Sias numerusas translaziuns da l’arab (Sonallah Ibrahim, Nagib Machfus, Ibrahim al-Koni e bleras autras) èn vegnidas undradas cun premis renumnads. Uschia ha el survegnì tranter auter l’onn 1995 il Hieronymus-Ring da l’Uniun d’auturs tudestgs e l’onn 2004 il Premi da translaziun da la Liga araba.

Maletg 1 /

‹ › ×

L’onn 2011 èn cumparidas sias translaziuns dals romans da Nagib Machfus Das junge Kairo e da Mansura Eseddin e Hinter dem Paradies (amendus en la chasa editura Unionsverlag). Il medem onn è er vegnida publitgada ina selecziun da columnas da gasetta dad Alaa al-Aswani sut il titel Im Land Ägypten: Am Vorabend der Revolution (S. Fischer).