Martina Clavadetscher

Schweizer Literaturpreise 2026

Martina Clavadetscher (*1979, Zug) ha studegià germanistica, linguistica e filosofia. Dapi il 2009 lavura ella sco autura, dramaticra e columnista da radio. Ses tocs da teater e ses roman Die Erfindung des Ungehorsams (cumparì en la translaziun franzosa sut il titel Trois âmes sœurs tar Zoé) èn vegnids undrads pliras giadas en Svizra ed en Germania. Ella viva a Brunnen (SZ).

Die Schrecken der anderen, C.H. Beck

Operaziuns zuppadas, allianzas dad umens e stgisas dapertut. Nua essan nus qua? En Svizra. Strusch ch'il glatsch rumpa, cumpara gia l'emprima bara. Quai che para sco crimi che regorda a Der Besuch der alten Dame da Dürrenmatt, è bler dapli: il roman Die Schrecken der anderen da Martina Clavadetscher collia ina tematica relevanta ch'è vegnida tractada memia pauc fin oz – il frontissem e la cuntinuaziun da sia existenza en gruppaziuns actualas da la dretga extrema – cun ina dramaturgia captivanta ed in art narrativ excellent.