Romain Buffat è naschì il 1989 ad Yverdon-les-Bains e viva oz a Losanna. Suenter ina furmaziun da scriver litterar a l’Institut litterar svizzer, nua ch’el ha confundà il collectiv litterar Hétérotrophes, ha el studegià litteratura a l’Universitad da Losanna. El è actualmain docent a l’Institut litterar svizzer. El ha retschavì il premi Terra Nova da la Fundaziun Schiller per ses emprim roman, Schumacher (édition d’autre part).
Grande-Fin
Per marcar la fin da ses studis è Jérôme sa mess sin il viadi tras ils Stadis Unids. El s’approfundescha durant quel en regurdientschas d’uffanza a Grande-fin ch’èn segnadas d’in bab squitschader ch’è fugì da chasa e d’ina mamma chasarina condemnada da s’occupar dals uffants. Cun in linguatg dultsch e ritmisà va il roman en ziczac tranter las epocas e cuntradas purtretond la vita d’ina famiglia da lavurers. E quest viadi, sch’el permetta da far in’ovra da memoria, porscha a ses protagonists cunzunt ina nova entschatta. In viadi en tren sensibel che po transportar las lecturas ed ils lecturs.
Double ligne, Genève, 2023
