Dominic Oppliger

Dominic Oppliger

Premi svizzer da litteratura 2024

Dominic Oppliger ch'è naschì l'onn 1983 e creschì si en l'Argovia, viva oz cun sia famiglia a Turitg. El ha sunà en differentas bands (tranter auter Doomenfels) sin turneas internaziunalas. Suenter in bachelor en lavur sociala ha el absolvì in master en transdisciplinaritad a la scola auta d’art da Turitg. El lavura oz sco autur, sco cussegliader artistic e sco manader da lavuratoris. Tant per sia emprima novella «acht schtumpfo züri empfernt» (Der gesunde Menschenversand, 2018) sco er per «giftland» (ibidem, 2023) ha el survegnì ina distincziun litterara da la citad da Turitg.

Giftland

En ses roman giftland, tant chaprizius sco poetic, trametta Dominik Oppliger ina band svizra sin turnea tras l'America: vias infinitas, cuntradas vastas, diners, clubs e motels plain musica da rock – ed en il center, il battarist Sämi, che sa chavistrescha en ils loops da ses passà manaivel e lontan e che perfecziunescha en passond l'art da la cigaretta fimada enavos.

Ina tschertga captivanta dal senn plain desideri, spiert e speranza, in roadmovie litterar en tudestg svizzer, in sound che resta ditg en l'ureglia.

Der gesunde Menschenversand, Luzern, 2023