Premi svizzer da litteratura 2023
Jachen Andry è nat dal 1957 a Turitg. Studi da romanistica a l'Universitad da Turitg (talian, spagnol e retorumantsch).Activ sco collavuratur editorial independent.be cun rispli è sia emprima racolta da poesias. Jachen Andry viva cun ses um a Scuol ed a Barcelona.
be cun rispli – cun decenza e discreziun, ma cun la paisa e spessezza dal «reissblei», dal grafit, notescha Jachen Andry sias poesias davart identitads fragilas, passageras, zuppadas e beffegiadas. Concentraziun linguistica, sensibilitad intellectuala, finezza musicala ed urgenza tematica distinguan quests vers concis deditgads a regurdientschas, impressiuns e reflexiuns davart existenza ed apparientscha. Liadas en glin d’in rosa decent e stampadas en in grisch liger èn questas avischinaziuns a la libertad da pensar – malgrà convenziuns e confurmitad – ses agens patratgs e da viver sia atgna vita.
editionmevinapuorger, 2022
