Christian Kracht

Premi svizzer da litteratura 2022

Christian Kracht, naschì l'onn 1966 a Saanen, fa part dals auturs moderns da lingua tudestga. Ses romans Faserland, 1979, Ich werde hier sein im Sonnenschein und im Schatten, Imperium e Die Toten èn vegnids translatads en 30 linguas. L'onn 2012 ha Christian Kracht survegnì il Premi Wilhelm Raabe, l'onn 2016 il Premi svizzer dal cudesch ed il Premi da litteratura Hermann Hesse. El viva a Turitg.

«Eurotrash»

In roman davart la mamma, in raquint autoficziunal d'exorcissem da famiglia, in curs da poetica davart l'art dal citat: Il roman Eurotrash da Christian Kracht è in essai litterar davart il cunfin fluid tranter vita e litteratura. En moda ordvart divertenta entretscha el ils fils da sia atgna ovra ed ans dat ina invista da la creaziun litterara.

Kiepenheuer & Witsch, 2021

Tar il cumenzament da la pagina