François Debluë

DEBLUE_gross
© BAK / Younès Klouche

François Debluë

Premis svizzers da litteratura 2020

François Debluë è naschì l'onn 1950 a Pully (VD). Suenter ses studi da litteratura a l'Universitad da Losanna, è el stà activ sco docent da franzos. El contribuescha a differentas revistas litteraras en Svizra ed a l'exteriur. L'onn 2004 ha el survegnì il premi Schiller per sia ovra da vita. El viva a Rivaz (VD).

Francois Deblue
La seconde mort de lazare
© BAK / Younès Klouche

«La Seconde mort de Lazare»

Tge è capità cun Lazarus? Questa dumonda persequitescha François Debluë en La Seconde mort de Lazare. Il resurregì ha stentas e fadias da levar da mort en vita. Sco autur da romans, sco cronist e sco poet perscrutescha Debluë quai che na vegn betg ditg en ils texts biblics per s'occupar da la culpa dal survivent e da la solitariadad da la vita umana. Ses raquint simpel è structurà en chapitels curts. El è scrit en in stil cler che lascha plazza a la quietezza e che restituescha cun finezza las veglias cuntradas ed ina epoca dals ritmus plauns.

Éditions l’Âge d’homme, Lausanne, 2019
ISBN 978-2-8251-4771-9