Premis svizzers da litteratura 2020
Doris Femminis è naschida l'onn 1972 en las muntognas tessinaisas ed è creschida si a Cavergno (Val Maggia). Suenter sia scolaziun sco tgirunza ha ella lavurà durant 8 onns en la clinica psichiatrica a Mendrisio ed è stada a medem temp pastra da chauras en la Val Bavona. Dapi l'onn 2014 viva ella cun sia famiglia en il Giura vadais.
Fuori per sempre tracta en moda objectiva il tema difficil da l'abus e dal malesser psichic cun construir il raquint dal punct da vista da figuras realisticas e cumplexas. Senza retegnientschas e cun in stil sitg mussa il roman en moda efficazia atmosferas e cuntradas natiralas e socialas. Femminis ha savì construir ina istorgia, en la quala retegnientscha e scuvrida alterneschan e sa maschaidan per raquintar cun plaina conscienza in'experientscha umana profunda ed autentica.
Marcos y Marcos, Milano, 2019
ISBN 978-88-7168-853-4
