Premis svizzers da litteratura 2020
Demian Lienhard è naschì l'onn 1987 a Baden. El ha promovì en archeologia classica e silsuenter è el stà activ sco collavuratur scientific a l'Universitad Goethe a Francfurt al Main. «Ich bin die, vor der mich meine Mutter gewarnt hat» è ses debut.
Legala, illegala, eguala – la vita dad Alba Doppler, raquintada dad ella sezza, tranter suicidis scolarescs e desideris d’amur, tranter dependenzas e sconfittas. Demian Lienhard na skizzescha betg mo in maletg dal temp e dal gener da la scena da drogas turitgaisa dals onns 1980, cun Alba ha el er chattà ina vusch valaivla per quest sociotop supprimì: profundamain suletta, a medem temp irresistiblamain comica ed entusiasmanta. Sco las parolas dals spontis da quella giada: Giu cun la gravitaziun!
Frankfurter Verlagsanstalt, Frankfurt am Main, 2019
ISBN 978-3-627-00260-2
