Premis svizzers da litteratura 2020
Christoph Geiser è naschì l'onn 1949 a Basilea. Per sias ovras ha el survegnì numerus stipendis e blers premis, l'ultima giada l'onn 2018 il Grond premi da litteratura da la citad e dal chantun Berna. El è commember dal center dal PEN da la Svizra tudestga sco er commember correspundent da l'Academia tudestga per lingua e poesia, Darmstadt. El viva e lavura a Berna ed a Berlin.
Nagin «nus» maiestus, mabain plitost in «nus» melanconic ed ironic discurra en ils tschintg raquints da Christoph Geiser. Ils raquints mainan da Berlin e da Darmstadt sur Venezia fin a Rupperswil en il chantun Argovia, ma er en il passà persunal, en abiss umans ed en l'exclusiun sociala. Il raquintader eloquent da lieunga gizza sa mussa sco cronist, visitader da museums, lectur, observatur, turist, gourmet e reporter da dretgira impedì. «Nus n'essan bain betg in poet!» – Ma gea, e tge per in.
Secession Verlag für Literatur, Zürich, 2019
ISBN 978-3-906910-51-2
