Premis svizzers da litteratura 2018
Yael Inokai, naschida l'onn 1989 a Basilea, viva a Berlin. Suenter in studi da filosofia a Basilea ed a Vienna studegia ella "scenari" a l'Academia tudestga da film e televisiun a Berlin. Sper quai lavura ella sco guid turistic a la plazza aviatica Tempelhof a Berlin.
En in vitg sa priva ina dunna da 22 onns da la vita. Ha sia mort in connex cun in crim ch'è capità 11 onns pli baud? Trais giuvens abitants dal vitg rumpan il silenzi en ina lingua orala vardaivla ed a medem temp poeticamain concisa. En il barat da las vuschs sa cumpona ina istorgia che sa tracta da cuminanza ed exclusiun, d'amicizia e tradiment, d'ina culpa contestada u confessada, d'expiaziun e perdun. Ed il text cumponì conscienziusamain sviluppa in'attracziun irresistibla.
Zürich, Edition Blau im Rotpunktverlag, 2017
ISBN 978-3-85869-760-8
