Jérôme Meizoz

Jérôme Meizoz
© Ladina Bischof

Jérôme Meizoz

Premis svizzers da litteratura 2018

Jérôme Meizoz, naschì l'onn 1967 a Vernayaz, viva e lavura a Losanna. Suenter incumbensas d'instrucziun a differentas universitads en Svizra ed en Frantscha, instruescha el actualmain a l'Universitad da Losanna. El scriva per revistas litteraras svizras e franzosas, è criticher litterar per differentas gasettas e tegna referats publics. Ses emprim roman « Morts ou vif » è vegnì distinguì sco "cudesch da la Fundaziun Schiller svizra 2000".

 

«Faire le garçon»

Ins na nascha betg sco mat, ins daventa mat. Per perscrutar quai sa renda Jérôme Meizoz en ils territoris da Simone de Beauvoir e d'Annie Ernaux. El tscherna duas modas d'avischinaziun. L'emprima, ina «Enquête» (retschertga), è autobiografica ed inventarisescha las etappas da quest svilup, sch'ins nascha en il Vallais a la fin dals onns 1960. La segunda, numnada «Roman», perscrutescha ina autra vita, la vita d'in giuvenot che venda sias charsinadas a las dunnas che giavischan quai. Pia ina vita dubla dal mat, che chaschuna confusiun e metta en dumonda cun finezza e poesia las rollas da las schlattainas.

Genève, Éditions Zoé, 2017
ISBN 978-2-88927-391-1