Antoinette Rychner è naschida l‘onn 1979. Suenter avair studegià tecnicas da teater a Vevey e lavurà en differents teaters en la Svizra romanda, sviluppa ella sia passiun per il teater e scriva tocs da teater per la tribuna. Ses tocs concepescha ella amez las arts viventas, p.ex. durant in segiurn en il Théâtre du Grütli o en collavuraziun cun il choreograf Pilippe Saire dal 2011/2012.
Ella scriva per il teater, dentant er raquints. Ses tocs da teater publitgads èn: L’Enfant, mode d’emploi, De mémoire d’estomac und Intimité Data Storage. Ses raquints publitgads èn: Petite collection d’instants-fossiles e Lettres au chat.
Da gudagnar il «Prix»: Quai è l’ambiziun insaziabla dal protagonist «Moi», in sculptur che sgratta ensemen cun gronda fadia il material da basa per ses art or da ses umbli. Da sculpturar ses «Ropfs» pretenda bler, perquai ch’el ha incumbensas da famiglia e duai tgirar ses figl «Mouflet» durant che sia dunna «S» procura ils daners per la chasada. Antoinette Rychner preschenta in roman eloquent plain umur, spiert innovativ e finezza tematisond l’ambiziun, la creaziun e la famiglia.
Paris, Buchet Chastel 2015
ISBN 978-2-905283-022841-4
Premis
1999 Prix international jeunes auteurs per Jour de visite
2007 Prix PROFIL (prix littéraire féminin romand) per Le temps d’y parvenir
2011 Prix Inédit Théâtre per De mémoire d’estomac ou l’invention du violon
2013 Prix SACD de la dramaturgie de langue française für Intimité Data Storage
2015 Premi Michel-Dentan per Le Prix
2016 Premi svizzer da litteratura
