è naschì l’onn 1978 a Tavanasa en Grischun e scriva en tudestg e rumantsch sursilvan. El ha studegià a l’Institut litterar svizzer a Bienna, nua ch’el abita er. Il roman «Sez Ner» è apparì dal 2009 tar Urs Engeler, suandà da «Hinter dem Bahnhof» l’onn 2010 ed «Ustrinkata» dal 2012. El ha gia survegnì divers premis, tranter auter il Premi Schiller da la ZKB e gia duas giadas il Premi bernais da litteratura (2010 e 2011). Ils texts da Camenisch èn vegnids translatads en 18 linguas.
Il narratur cumpona virtuusamain las vuschs che strasunan e sa maschaidan en la «Helvezia». Per l’ultima giada passentan ins ina saira cuminaivla, avant che tut è bavì si e che l’ustaria dal vitg serra per adina. Ins raquinta anecdotas, fa sgnoccas, discurra da la natira privlusa, sa lamenta dal temp modern, filosofescha davart la vita e la mort, ria e daventa sentimental. Stat la fin da l’ustaria per la fin d’in mund rural? Quest cudesch è l’ultim da la trilogia grischuna dad Arno Camenisch. Mintgin da quests cudeschs mussa en sia moda e maniera co che la sentupada da rumantsch e tudestg po adina puspè esser surprendentamain fritgaivla per il scriver litterar.
Solothurn, Engeler-Verlag, 2012
ISBN 978-3-033-03028-2
Lesung durch den Autoren
Arno Camenisch liest einen kurzen Auszug aus seinem prämierten Werk „Ustrinkata“.
Premis
2010 : Premi bernais da litteratura per «Sez Ner», Basel, Urs Engeler Editor, 2009.
2010 : Premi Schiller da la ZKB per «Sez Ner», Basel, Urs Engeler Editor, 2009.
2010 : Premi da litteratura dals Dis da litteratura a Domat, «Premi Term Bel».
2011 : Premi bernais da litteratura per «Hinter dem Bahnhof», Basel, Urs Engeler Editor, 2009.
2012 : Premi federal da litteratura per «Ustrinkata», Solothurn, Engeler-Verlag, 2012.
