Sandro Marcacci

Premis svizzers da litteratura 2026

Sandro Marcacci (*1963, Neuchâtel) è scriptur ed instruescha franzos e filosofia. El ha scrit poesias, tocs da teater, romans, raquints ed ulteriurs texts en prosa sco er texts per operas modernas e per chanzuns. A medem temp è el activ sco fotograf. Sias fotografias vegnan publitgadas ed exponidas regularmain. El viva en la Val-de-Ruz (NE).

Me taire, Éditions d’en-bas

Durant ils onns 1930: Jeanne-Marie, ina dunna giuvna ch’è en speranza, betg maridada e che ha tuberculosa, raquinta sia vita. Ella fa quai cun ses agens pleds, quai che stat en cuntradicziun cun il titel Me taire. Taschair è stà il pretsch ch’ella ha pajà per surviver. Curaschi, saun giudizi, intelligenza ed umor l’han dentant impedì da sfundrar en la solitariadad. Il roman lascha vegnir fermamain a pled ils nunvesaivels. Igl è la vusch d’in figl, da l’autur, che dat enavos la lingua a sia mamma, midond vi e nà tranter rapport d’ina perditga e litteratura.