Nora Osagiobare

Premis svizzers da litteratura 2026

Nora Osagiobare (*1992, Turitg) ha studegià scriver litterar a Bienna ed a Vienna. Per ses emprim roman Daily Soap ha ella survegnì in stipendi da la «Autor∙innenwerkstatt Prosa» al Literarisches Colloquium Berlin ed ina contribuziun da promoziun dal chantun Turitg. Ella viva a Turitg.

Daily Soap, Kein & Aber

Che questa daily soap n’è betg superfiziala, sa mussa gia sin las emprimas paginas: Uschè absurds sco ch’ils entretschaments da las duas famiglias en il center dal roman paran dad esser: en vardad preschenta Nora Osagiobare mo, quant svelt che la violenza remplazza l’amur en in mintgadi plain discriminaziun e rassissem. Cun in umor curaschus ed en in tempo rasant creescha l’autura ina critica sociala che fa mal, senza vulair esser instructiva. In debut dal tuttafatg remartgabel.