Jonas Lüscher

Premis svizzers da litteratura 2026

Jonas Lüscher (*1976, Schlieren, ZH) ha emprendì magister a Berna e suenter lavurà in pèr onns en Germania sco art director e sco manader da projects en la branscha da films. Lura ha el studegià filosofia a Minca ed a Turitg. Sco autur e sco essaist ha el survegnì numerus premis e ses texts èn gia vegnids translatads en passa ventg linguas. El viva a Minca.

Verzauberte Vorbestimmung, Carl Hanser Verlag

En Verzauberte Vorbestimmung explorescha Jonas Lüscher ina da las pli urgentas dumondas da noss temp preschent. En istorgias ch'èn colliadas libramain ina cun l'autra e che ans mainan da la revoluziun industriala fin al futur immediat, da l'Algeria fin a Manchester, metta l'autur en il focus la relaziun tranter l'uman e la maschina. Quest roman è in'analisa dal temp preschent ed ina prognosa per l'avegnir, in maletg dal passà ed in raquint autobiografic. El persvada cun sia cumposiziun e cun sia originalitad. Lüscher reussescha da scriver litteratura pretensiusa che correspunda al temp.