Begoña Feijoo Fariña

Premis svizzers da litteratura 2026

Begoña Feijoo Fariña (*1977, Vilanova De Arousa, Galizia, Spagna) arriva cun 12 onns en Svizra. Suenter ses studi da biologia lavura ella plirs onns en il sectur da l'insectologia. Il 2015 dat ella si sia lavur sco biologa, banduna il Tessin, va ad abitar en la Val Puschlav e sa deditgescha dapi lura al teater ad al scriver. Ella viva a Poschiavo (GR).

Come onde di passaggio, Gabriele Capelli Editore

En il center stat la sballunada da la punt Morandi a Genua. Las istorgias da Sandy, Dario, Dante, Marisa e Luca tractan da l’eveniment tragic dals 14 d’avust 2018. Partind da lur vita da mintgadi, vegnan las figuras simplas dissegnadas exactamain. Nus vesain immediatamain nus sezs en ellas ed ans identifitgain cun ellas. Cumbain ch’ellas n’han apparentamain nagut cuminaivel ina cun l’autra, èn ellas colliadas ina cun l’autra tras l’acziun e tras l’artg da tensiun. Raquintà vegni en la prosa eleganta d’in roman che ans mussa, co ch’ina tragedia collectiva po purtar midadas profundas er per quels, che n’èn betg pertutgads directamain d’ina perdita. In text commovent.