Asa Hendry

Premis svizzers da litteratura 2026

Asa Hendry (*1999, Val Lumnezia, GR) ha studegià scienza da teater e gender studies a Berna e fatg in bachelor en scienza da teater applitgada a Giessen (D), è activa sin ils champs litteratura, teater e performance e sa fatschenta actualmain cun ils puncts da contact tranter regiuns da muntogna, queerness ed animaziun tridimensiunala. Asa Hendry viva a Giessen ed en il Grischun.

archiv, Chasa Editura Rumantscha

Cun il monolog «archiv» stgaffescha Asa Hendry in text da teater impressiunant en quattordesch maletgs che piglia las lecturas ed ils lecturs sin la via dolurusa dal narratur per chattar ina lingua per l’istorgia traumatica dal bab. Cun observar fitg precis reusseschi al figl, ch’è daventà l’«archiv» dal bab, da decodar la lingua dal corp da ses bab en sia repetiziun ed en il tranteren, uschia che l’inexprimibel daventa chapaivel. En sia furma concentrada e cun sias repetiziuns insistentas è il text in appel, che traumas transgeneraziunals ston vegnir numnads.