Antoine Rubin

Premis svizzers da litteratura 2026

Antoine Rubin (*1990, Saint-Imier, BE) ha studegià sociologia ed antropologia. En ses texts cumbinescha el metodas etnograficas cun elements poetics. Ses texts cumpiglian raquints, romans, poesias ed essais, che vegnan elavurads en moda multifara en performances litteraras, en la perscrutaziun da furmas da scriver, en exposiziuns ed en il barat litterar. El viva a Bienna (BE).

Calcaires, Éditions La Veilleuse

In tripticon inspirà da la geologia. Ses autur è suandà las vainas da chaltschina da Saint-Ursanne fin ad Uranium City, empruvond da reabilitar la terra destruida da l’umanitad. Cun ses utensils precis che sa cumponan da l’antropologia, da la poesia e da la reportascha sa mova Antoine Rubin cun inschign tranter stresas e geners. Partind da la surfatscha realistica sa chava el tras ses material da metafras, fin ch’el arriva al coc da l’istorgia, per skizzar ina vasta cuntrada da glera cun ruinas, en las qualas nus stuain, malgrà tut, abitar. Quest roman è – per uschè dir – in vair term.