Laura Leupi, naschi:da il 1996, viva e lavura a Turitg. Laura Leupi ha studegià tranter auter germanistica, analisa culturala e scienza da teater e saut a Turitg, Berna e Giessen. Laura Leupi lavura per differents collectivs en il sectur dal teater e da la litteratura. Das Alphabet der sexualisierten Gewalt è vegnì undrà l’onn 2023 cun il 3sat-Preis en il rom dal Premi Ingeborg-Bachmann.
Das Alphabet der sexualisierten Gewalt
Laura Leupi explorescha las conturas d’in tema prest exuberant e nunchapibel. Das Alphabet der sexualisierten Gewalt è tschertga e documentaziun, accusaziun ed appel, impressiun dal mument e lexicon en ina. Il text fa in appel vehement per la protecziun da dunnas cunter trauma e suppressiun cun ina varietad da meds litterars. Vistas individualas estras ed atgnas furman in mosaic ch’evochescha da temp en temp muments lirics nunspetgads or da la sgarschur. Uschia daventa l’emprova da far urden en il caos a medem temp in auto-atschertament litterar impressiunant.
März, Berlin, 2024
