Premi svizzer da litteratura 2024
Judith Keller è naschida l'onn 1985 a Lachen (chantun Sviz) e viva oz a Turitg. Ella ha studegià scriver litterar a Leipzig ed a Bienna sco er tudestg sco lingua estra a Berlin ed a Bogotá. Per sia collecziun da raquints fitg remartgada «Die Fragwürdigen» (Der gesunde Menschenversand, 2017) ha ella survegnì premis da renconuschientscha da la citad da Turitg e dal chantun Turitg.
En ses roman «Wilde Manöver» sviluppa Judith Keller ina veritabla poetica da l'effect-tgiralla: En il protocol absurd d'ina interrogaziun da polizia legiain nus, co ch'ina dunna giuvna inventa istorgias per salvar sia pel. En la vehemenza da l'autonomisaziun feminina, en il turnigl sturn da casualitads e da causalitads sa furman or da pitschnas pitschnas battidas d'ala (fugia tras ina sortida d'urgenza) tornados (la staziun principala da Turitg sa platga en l'Ocean Indic). Entant ch'il spazi ed il temp implodeschan, resta la sturnadad intensiva dal raquint la suletta tschertezza.
Luchterhand, München, 2023
