Ivna Zic

Ivna Žic

Premi svizzer da litteratura 2024

Ivna Žic ch'è naschida l'onn 1986 a Zagreb, è creschida si a Turitg. Ella ha studegià scienza da teater, reschia e scriver creativ a Giessen, Hamburg e Graz. Sco reschissura e dramaturga lavura ella tranter auter al Teater Neumarkt, al Schauspielhaus Vienna sco er per il Teater HORA. Ses emprim roman «Die Nachkommende» (Matthes & Seitz Berlin, 2019) è vegnì nominà per il Premi svizzer dal cudesch e per il Premi austriac dal cudesch ed è er vegnì undrà cun il Premi Anna Seghers 2020 e cun il Premi Conrad Ferdinand Meyer 2022. Žic viva a Turitg ed a Vienna.

Wahrscheinliche Herkünfte

En ses essais poetologics avra Ivna Žic in spazi da regurdientscha multidirecziunal. Tras quai ademplescha ella la pretensiun dal scriver postmigrantic, numnadamain da surpassar cunfins e da reflectar allianzas: tranter las generaziuns e las linguas s'infiltrantas, dentant er tranter l'agen e l'ester en quellas. Uschia surpiglia »Wahrscheinliche Herkünfte« ina perspectiva ordaifer las binaritads nunproductivas che pon vegnir superadas en la realitad d'ina societad dals blers.

Matthes und Seitz, Berlin, 2023

Tar il cumenzament da la pagina