Bessora è naschida l’onn 1968 a Brüssel. Ella è creschida si en l’Europa, en ils Stadis Unids ed en l’Africa. Suenter ina carriera en il sectur da las finanzas internaziunalas a Genevra, ha ella puspè cumenzà a studegiar antropologia ed ha scrit ses emprim roman. L’onn 2011 ha ella obtegnì il prix Fénéon per ses roman Les Taches d'encre (Serpent à plumes) e l’onn 2007 il Grand prix littéraire d'Afrique noire per ses roman Cueillez-moi jolis Messieurs…(Galliamrd). Sia novella grafica Alpha (Galliamrd) è vegnida undrada l’onn 2016 cun il PEN Promotes Award.
En in raquint plain vieutas ans maina Bessora tras ils meanders dal destin da Jane ch’è naschida l’onn 1667 a Cornwall e da Johann ch’è naschì dus tschientaners pli tard en il «pajais dals umans superbis». Sco en ina paraula, nua ch’ina narcissa fa ragisch en in uffant, nua ch’ils siemis quintan uschè bler sco la realitad, nua che l’avegnir ed il passà alterneschan d’in cuntin, nua che la sclava daventa patruna ed il patrun sclav, ans tschiffa Bessora, cun sia plima striunada, en in turnigl misterius e fantastic.
