Premi svizzer da litteratura 2022
Rebecca Gisler è naschida l'onn 1991 a Turitg. Ella è absolventa da l'Institut svizzer da litteratura ed ha fatg in master en scriver creativ a l'Universitad Paris 8. El scriva en franzos ed en tudestg ed è er translatura. D'Oncle è ses emprim roman. Ella viva a Turitg.
I cumenza cun duas frasas ch'emplainan duas paginas, quai ch'è gia in entir mund. En ses center da gravitad trona l'aug, in um solitari che viva en ina «cuminanza d'abitar betg voluntara» cun ses nev e cun sia nezza, la narratura. En ina lingua precisa che regorda a l'entomologia da Kafka, ma nua che la creatira curiusa è quest magliadrun gigantic, ha Rebecca Gisler chattà senza dubi il dretg tun en quest emprim roman. Ella sa mova inschignaivlamain tranter istorgia burlesca e realissem ironic, senza sviar en il vargugnus u en il grotesc, e skizzescha in purtret da famiglia d'ina profunda umanitad.
Ed. Verdier, 2021
