Premis svizzers da litteratura 2020
Noëmi Lerch è naschida l'onn 1987 a Baden. Ella ha studegià a l'Institut svizzer da litteratura a Bienna ed a l'Universitad da Losanna e silsuenter è ella stada activa sco redactura. Dapi l'onn 2014 lavura ella ensemen cun la cellista Sara Käser en il duo Käser & Lerch. L'onn 2016 ha ella survegnì il premi Schiller Terra-Nova da litteratura. Ella lavura sco pastra e sco scriptura. Ella viva ad Aquila (TI).
Trais umens ed in chaun, dapli na dovra Noëmi Lerch betg per skizzar – en frasas ed en paragrafs fitg curts – ils maletgs zunt plastics e subtils d'ina vita professiunala arcaica en las Alps. L'effect da questa economia narrativa extrema è surprendentamain in stget kino intellectual cun maletgs dirs, precis, mai kitschics. Las illustraziuns da las duas artistas Walter Wolff, che produceschan sin mintga pagina dal cudesch in negativ dal text, han gidà a crear in dals pli bels cudeschs da la Svizra da questa stagiun.
verlag die brotsuppe, Biel, 2019
ISBN 978-3-03867-015-5
