Premis svizzers da litteratura 2020
Flurina Badel è naschida l'onn 1983 a Lavin (GR). Suenter in'emprima scolaziun sco schurnalista ha ella absolvì l'onn 2015 il Master of Fine Arts a l'Institut d'art da la Scola auta per furmaziun ed art / Scola auta spezialisada da la Svizra dal nordvest a Basilea. Ella lavura en il duo d'artists Badel/Sarbach ed è la redactura responsabla per l'emissiun litterara da cult «Impuls» da Radiotelevisiun Svizra Rumantscha. Ella viva a Guarda (GR).
Cun Tinnitus tropic propona Flurina Badel ina racolta da lirica rumantscha zunt frestga e fascinanta. Las poesias fitg elavuradas ed expressivas demussan ina lavur linguistica intensiva ed innovativa. Il tinnitus dal titel, cun sia irritaziun permanenta, è program en questa ovra che tracta da la confruntaziun critica dal jau cun sasez, cun il mund extern e cun il scriver. En ina spezia da road trip tras las cuntradicziuns e las adversitads da l’individi e dal mund creescha l’autura ina gronda tensiun ed ina dinamica tut apartia.
editionmevinapuorger, Turich, 2019
ISBN 978-3-9524584-7-1
