Friederike Kretzen

Premis svizzers da litteratura 2018

Friederike Kretzen, naschida l'onn 1956 a Leverkusen, viva e lavura dapi l'onn 1983 a Basilea. Ella è docenta a l'Institut svizzer da litteratura a Bienna ed a la Scola politecnica federala Turitg. Ultra da romans scriva ella er criticas litteraras ed essays.

Maletg 1 /

‹ › ×

«Schule der Indienfahrer»

En reminiscenzas decentas da romans d'aventuras, da viadi e da furmaziun da pli baud mussa Schule der Indienfahrer, co che las aventuras dad oz sa tegnan vi d'in desideri ch'è pli grond che «tut quai che nus vegnin ad esser stads insacura», sco quai ch'il viadi – analogamain a quel da Columbus – maina en il nunspetgà e sco quai che la furmaziun porta l'enconuschientscha ch'i vala da cuntinuar cun la via da la perdita e da la renunzia ch'era vegnida snegada en la societad da bainstanza da la Germania suenter la guerra. En il spazi da resonanza da sia lingua poetica evochescha quest roman substanzius maletgs captivants dal passà sco er dal preschent e lascha imaginar l'avegnir en il «sentiment d'ina mancanza immensa».

Frankfurt am Main und Basel, Stroemfeld Verlag, 2017
ISBN 978-3-86600-272-2