Premis svizzers da litteratura 2018
Fabiano Alborghetti, naschì l'onn 1970 a Milaun, viva e lavura en il Tessin. El è poet, scriva per revistas litteraras ed è activ sco fotograf. Ultra da quai derasa el poesia sur differents chanals, sco p.ex. sur Radio Gwendalyn, e lantscha projects da poesia en scolas, praschuns ed ospitals. El s'engascha er che auturs talians vegnian translatads en autras linguas.
Fabiano Alborghetti
© Foto: Ladina Bischof
Fabiano Alborghetti
© Foto: Ladina Bischof
Fabiano Alborghetti
© Foto: Ladina Bischof
Fabiano Alborghetti
© Foto: Ladina Bischof
Fabiano Alborghetti
© Foto: Ladina Bischof
Fabiano Alborghetti
Da maniera dal tuttafatg nova raquinta Fabiano Alborghetti ina istorgia che pudess er avair la savur dal déjà vu: ils eveniments d'ina famiglia taliana che immigrescha durant l'emprima mesadad dals onns tschuncanta en il Tessin. La novaziun da la raquintaziun è d'attribuir cunzunt a sia furma. Il roman Maiser reconstruescha la realitad istorica e sociala en moda fitg precisa e lascha a medem temp reviver la tradiziun illustra da la raquintaziun en vers. Tar Alborghetti n'èn las figuras eroicas modernas natiralmain betg pli persunalitads extraordinarias sco en ils epos da vers da temps passads, mabain persunas tut normalas.
Milano, Marcos y Marcos, 2017
ISBN 978-88-7168-793-3
